Yop Ciaaŋdu Mi̲ Gɔaa (Maintain your good character)

Cuarɛ ce̲tkɛ ji̲ ɤɔaa ɛmɛ, gɛ̈rɛ ciaaŋ cärädun, ɛn ɤöö dee yɛn min go̲o̲r Kuothɛ ŋa̲c a gɔaa, mi gɔaa, mi nhɔkɛ, kä thil diw. (Ji̲ Röm 12:2)

Gua̲a̲thni ti̲ ŋuaan, bi̲ naath jek ti̲ pa̲lkɛ ɤöö ba ciaaŋdiɛn in gɔaa ya̲r kiɛ ba ciaŋdiɛn mi gɔaa ya̲r ɛ ciɛŋ jiäkni kiɛ ciaŋ in jiäk in ca ciɛŋkɛ ɛ nɛy tin kɔ̲ŋ. Kɛ nyuuth, dee raan ɛ car i̲ cɛ gua̲n thiekädɛ kiɛ määthdɛ bi̲ nyɔk kɛ lär malɛ, kɛ ɤöö gua̲a̲thni̲ diaal mi̲ cɛ gua̲n thiekädɛ nɔmɔ  kiɛ määthdɛ nɔmɔ la̲r malɛ, cɛ malɛdɛ a locjɛ.

Kɛ ɤöö bi̲ ca̲r ɛmɔ car lotdɛ ni̲ ɤöö jaki̲ ciaŋ jiääk raam mi̲ dɔ̲ŋ kä ɤöö bɛ ciaŋdu mi gɔaa gɛr. /Cu jɛ met nhɔk i̲ bi̲ nɔmɔ tuɔk kä ji̲. Ɛn ɤöö ken määthdu kiɛ ram mi̲ dɔ̲ŋ ŋäcji̲ puɔ̲th naŋ kɛ ciaaŋ gɔyädu /ciɛ lot mi̲ thuɔ̲k kɛ ɤöö deeri̲ rɔ cu gɛr a bi̲ ciaaŋdu cu jiääk ɛ lɔ̲ŋ kiɛ bi̲ rɔ jakä ram mi̲ jiääk.

Yop ciaaŋdu mi gɔaa. Teeni̲ ɛ la ram mi̲ gɔaa mi nhɔk naath kä tiit naath; bɛ cuɔ̲l ji̲. Thiec in deeri̲ thiec a ŋot keni̲ ca̲r ni̲ car i̲ bi̲ ciaaŋdu mi gɔaa gɛr deera ɤöö; Gɔaa ɛ ɛn ɤöö dee min cä la̲t la̲t? Mi̲ gɔaa ɛ, i̲ nɔ, /ci jɛ dee gɛr kɛ ɤöö /ci̲ ram mi̲ dɔ̲ŋ ɛ nhɔk. Ɛ ji /ca dir ɛ lät jiääkni, laat jiääkni̲ kiɛ ciaaŋ jiääkni̲ nɛɛni̲ tin kɔ̲ŋ. Duŋdɛ ɤöö, locɛ kɛ nhök kä nɛy tin la̲t kɛ ji̲ kä jiääk kiɛ dhɔat kɛ ji. Mi̲ wi̲i̲ lät inɛ, gaŋi̲ ni̲ yiëëdu kä inɔ bä kapi̲ ni nhök, ciaaŋ malä kɛnɛ mat nhial. Lätni̲ ca̲r mi̲ gɔaa kɛ ɤöö /ci̲ ciaaŋ  jiäk raam mi dɔ̲ŋ ciaaŋdu mi̲ gɔaa bi gɛr.