CU CAN GUIC JƆ̲Ɔ̲R (Don't ignore the poor)

"Naŋ yio̲w ti̲ rëëp kɛ rɔ kɛɛl mi̲ wi̲i̲ gua̲a̲th la̲t ....."

"Amäni̲ mi ci̲ can luäk, keni̲ rɔ da̲a̲k kɛ can."

   Ɛ jin gɛ̈rɛ wec muɔ̲ɔ̲n, kɛ kuic ɛmɔ, bi̲ yi̲k te jinä ni ciaŋ kɛ ɤöö deeri̲ ram mi̲ dɔ̲ŋ luäk. Gɔaa ɤöö bi̲ te kɛ ca̲r ɛmɛ. Jakni̲ rɔ kä muuc, a /ci mɔ a luaakkuoth kä rɔa, moc can bä.

    /Cu can guic jɔ̲ɔ̲r! Cuɛ lar i̲ "bi̲ kɛ yi̲k lät,"  thuɔ̲kdɛ ɛ ɤöö thia̲ŋ kiɛn ti̲ ŋuan, cäŋ ni min ci jɛn ɛ ɤɔ̲n ni kä ti̲ ŋuan  ken kɛn la̲t luäŋ kɛ jek; thilɛ ram mi̲ moc kɛ la̲t.

Kɛl in bum min bi la̲t ɛmɛ; ɤɔ̲nɛ bi̲ yio̲w ti̲ rëëp naŋ kɛ rɔ kɛɛl mi̲ wi̲i̲ gua̲a̲th la̲t, kɛ jɛn ram ɛ kɛl ɛmɔ min bi̲ wä luäk kɛ jɛn cäŋ ɛmɔ. Pith kuay rɛy teekä raam mi̲ dɔ̲ŋ. Dɔ̲ŋ deerɛ kuɛɛ, duŋdɛ ɤöö bä ji̲ la̲r kɛl -  /ci pek jiaath dee lat kɛ pek kuɛ̈ɛ̈kä dɛ.

̲     Ci̲ Ruac Kuoth ɛ lar kä Ruac Pɛli̲ 19:17,  "kä ram mi gɔaa kɛ can thi̲ŋɛ rɔ kɛ Kuoth Nhial, kä ba jɛ cuɔ̲l la̲tdɛ." Kuoth culɛ ji̲ gɔɔydu kɛ can, kä ɛ nhɔkɛ, bɛ ji̲ culi̲kä kɛ rëëp.

     Dɔ̲ŋ dee ram kɛl ɛ lar i̲ "ta̲a̲ kɛ nyinkä ti̲ görä," ëëy, woc ca̲ru kä tin cuɔ̲ckɛ ji̲, kɛ ɤöö deeri̲ wä nhiamdiɛn. Tee kɛ nɛy ti̲ ŋɔaan ti̲ tekɛ yio̲w ti̲ ŋɔaan, duŋdɛ ɤöö ŋotdɛ kɛ can; ca̲riɛn ɛ can kä /ci kɛn yio̲o̲kiɛn läth lätni̲ ti̲ gɔw. Ɛ ni̲ mi̲ ci̲ can luäk, keni̲ rɔ da̲a̲k kɛ can. Dääkni rɔ kɛ can kɛ luäkdu kɛ can. Lätni̲ la̲t mucä nɛmɛ; läthniɛ lät kä bi̲ lɔcdu tɛɛth kɛ gɔy tin bi̲ nɛn cɛ nyuɔ̲ɔth rɛy tekädu.